Ganwyd W H Davies yng Nghasnewydd ym 1871, mae’n adnabyddus iawn am ei gerdd Leisure ac am ei gofiant The Autobiography of a Super Tramp sy’n disgrifio’i gyfnod yn cardota yn America.

Yn A Poet’s Pilgrimage, a gyhoeddwyd yn wreiddiol ym 1918, mae’n teithio o Gaerfyrddin i Lundain. Mae'n disgrifio llwybr ei daith, y pobl mae'n gyfarfod ar y ffordd ac yn y tafarndai – rhai'n prynu a gwerthu, rhai'n begera - cardotwyr, bocswyr, llongwyr.

Flynyddoedd ynghynt syrthiodd Davies a malwyd ei droed tra’n ceisio neidio ar drên nwyddau yn Ontario, bu’n rhaid torri rhan isaf ei goes i ffwrdd a byth ers hynny fe fu'n gwisgo coes bren. Mae’n rhaid ei fod yn gwisgo coes bren tra’n dilyn llwybr taith A Poet’s Pilgrimage ond nid oes cyfeiriad at hynny o gwbl yn y gyfrol!

Mae A Poet’s Pilgrimage ar gael fel llyfr digidol yn fformat epub a mobi drwy siop Cromen ac fel llyfr papur clawr meddal ar wefannau Amazon a Lulu – ewch i dudalen A Poet’s Pilgrimage am fanylion pellach.

Tags : cromen, llyfrau digidol, newydd