Ysgrifennwyd The Secret Glory gan Arthur Machen rhwng 1899 a 1908 ond ni chyhoeddwyd tan 1922, dywedir iddi ddylanwadu ar John Betjeman ac fe’i crybwyllir yn ei gerdd hunangofiannol Summoned by Bells.

Daw Ambrose Meyrick yn ddisgybl perffaith ar ôl cael ei guro’n sadistaidd yn ei ysgol breifat, Lupton. Mae’n gweithio’n galed ar ei glasuron ac mae hyd yn oed yn dechrau chwarae rocker gydag afiaeth. Nid yw’r atgofion am deithiau cerdded traws-gwlad gyda’i dad, straeon Ilar Sant ac ymweliad bythgofiadwy â Mr Cradock byth yn bell o’i feddwl. Mae’n byw dau fywyd eiddgar, y bywyd ysgol allanol a bywyd mewnol dyfnach lle mae’n gweld popeth wedi’i drawsnewid yn ogoniant pelydrol.

Mae The Secret Glory ar gael fel llyfr digidol yn fformat epub a mobi drwy siop Cromen ac fe fydd llyfr papur clawr meddal ar wefannau Amazon a Lulu cyn bo hir – ewch i dudalen The Secret Glory am fanylion pellach.

Tags : newydd, llyfrau digidol